У гэту нядзелю, 13 чэрвеня, беларускія фанаты кіберспартыўных турніраў змогуць глядзець першую трансляцыю на беларускай мове. Відэасэрвіс VOKA збіраецца паказваць фінал WePlay Animajor 2021 па Dota 2, які зараз праходзіць ва Украіне і дзе сабраліся лепшыя каманды з Еўропы, Кітая, СНД, Амерыкі. Стрым пачнецца а 19-й гадзіне.
Праводзіць трансляцыю будуць выпускнікі Школы кіберспартыўных каментатараў. Паміж сабой і з гледачамі яны будуць гаварыць па-беларуску. Як і каментаваць гульню.
У гэты ж дзень у Мінску ў рэстаране Rib Raw будзе арганізаваны прагляд гульні на вялікім экране. Папярэдне давядзецца прайсці рэгістрацыю.
Наш канал у Telegram. Далучайцеся!
Ёсць пра што расказаць? Пішыце ў наш тэлеграм-бот. Гэта ананімна і хутка